زجل
زجل  
2 лет назад ·перевести

ورقة أمل

انزرعت أمل عا تربة الحُرقة
وشربت أنين البعد والفرقة
نبتت ع كتف الدهر بالتكوين
وسرقت دموع مْن السما الزرقة
وحتى ماتشرب دمع كذابين
عاشت غصب عا دمعة السرقة
احتاجت وقت ت تجمع محبين
وومضة فرح تبرقلها برقة
ولمّا انكست بوراق مختلفين
ظنت صعاب العيش مخترقة
وشافت حولها وراق مجموعين
قالت العرقة بتحمل العرقة
أفتكرت بأنو الكل طيّوبين
وغوص الجسد م بينحسب غرقة
ولما احتاجت ظِلهم تخمين
حست بأنو قلوب مفترقة
عرفت يقين الكل غدارين
نزعت قميص اللابسة من لين
وهرّت وَرقها من قبل تشرين…
ورقة ورا ورقة ورا ورقة

زجل  
2 лет назад ·перевести

......شردة شروقي .......
لما عملتي دمع .عيني خمر ......مكسور
وشيطان هجرك شرب..تا يسكر حضورو
ويدوخ حبك معو تا .......يبلغ المحظور
عالروح يرقص جفا. ومبسوط ب غرورو

وما عاد غيمك على أرض المحبة... يزور
ولا عاد يروي عطش....... فلو. ومنتورو
ومن هيك صار الورد ..عا غيبتك مجبور
يشحد رجوعك ندى..... تا تشرب زهورو

ولما رجعتي بكذب ....غبش على البللور
مسحت الغشاوة شفت .من حبك فجورو
صوب عا قلبي سهم ب العين مش منظور
كسر.قزاز الهوى..........وما جبرت كسورو

زجل  
2 лет назад ·перевести

طبيبي
الُــدوا مَـ عاد ينــفع يـ طبـيبـي
المـسكن عـلتي الأبره المصـيبي
الـوجع بيــزيد والــشريان سكر
وحبيـــبي فـــل عَـ دنيا غريبي
الكِان يقـــطف العـــنقود أشقر
وبِكاسي يشرب الخمرة الرطيبي
شلحني كـاس من دمـعي مقهقر
على ضفافو الـحزن ترك ضريبي
يـ دكـتور الـــهوا ال بلحب أخبر
حياتي للفـــنى صــارت قريبي
مَـ عاد يفـيدني مـشفى ومخـبر
حبيبي أخبر بنـفسي العصــيبي
وكلما علتــي بقلــــبي بتــكبر
بوصيةةةة لَـ ربنا ببــدا الكتيبةة
يـ أما خود روحي وحــاج تسهر
الأطبى حول مني بـ الـمشافي
يـ وديلي الـدوا بغـمرة حبيبي

soiltan
2020/5/4

زجل  
2 лет назад ·перевести

صارت البسمه مفارقه شفافي
ودربي جمر ماشي عليه حافي
وسهران مع همي طوال الليل
وماعاد جفني من الآسى غافي
انده ونادي من القهر ياويل
وعمشقوا هموم الدهر عاكتافي
وطل الألم من كل صوب وميل
وماعاد فكر الموهبه صافي
من كتر همي انهد فيي الحيل
ومافاد همي البلسم الشافي
والدمع فايض عاخدودي سيل
ولازلت سري بالقلب خافي
ولي كنت شيلو عارمشي شيل
راح وتركني منهنه وتعبان
هم ومآسي يادهر كافي

زجل  
2 лет назад ·перевести

يسعدلي مساكم جميع ياااااااارب بكل خير